ಈ ಲಕ್ಷಣಗಳು ಕಂಡುಬಂದರೆ ಪುರುಷರ ದೇಹದೊಳಗೆ ಕ್ಯಾನ್ಸರ್ ಕಾಯಿಲೆ ಪ್ರವೇಶಿಸಿ ಬಿಟ್ಟಿರಬಹುದು!

ಇಂದಿನ ದಿನಗಳಲ್ಲಿ ಪುರುಷರಲ್ಲಿ ಕ್ಯಾನ್ಸರ್ ಪ್ರಕರಣಗಳು ವೇಗವಾಗಿ ಹೆಚ್ಚುತ್ತಿವೆ. ಈ ಕಾಯಿಲೆಯ ರೋಗಲಕ್ಷಣಗಳು ಕೂಡ ತುಂಬಾನೇ ಸೂಕ್ಷ್ಮ ವಾಗಿರುವ ಕಾರಣ ಅಷ್ಟು ಸುಲಭವಾಗಿ ಕೂಡ ಪತ್ತೆ ಹಚ್ಚಲು ಸಾಧ್ಯವಿಲ್ಲ. ಪ್ರಸ್ತುತ ಇಂದಿನ ಲೇಖನದಲ್ಲಿ ಪುರುಷರಲ್ಲಿ ಕ್ಯಾನ್ಸರ್‌ನ ಲಕ್ಷಣಗಳು ಮತ್ತು ಅವುಗಳನ್ನು ತಡೆಗಟ್ಟಲು ಏನು ಮಾಡಬೇಕು ಎಂಬುದನ್ನು ನೋಡೋಣ. ಇಂದಿನ ದಿನಗಳಲ್ಲಿ ಯಾರಿಗೆ ಯಾವ ಕಾಯಿಲೆ ಬರಬಹುದು ಎಂದು ಹೇಳುವುದಕ್ಕೂ ಆಗಲ್ಲ. ಚೆನ್ನಾಗಿ ಓಡಾಡಿಕೊಂಡಿದ್ದ ವ್ಯಕ್ತಿ ಇದ್ದಕ್ಕಿದಂತೆ ಹಾಸಿಗೆಯಿಡಿಯುವ ಪರಿಸ್ಥಿತಿ ಎದುರಾಗಬಹುದು! ಹಾಗಾಗಿ ಆರೋಗ್ಯದ ಹಿತವನ್ನು ಕಾಪಾಡಿ ಕೊಳ್ಳುವ ಕಡೆಗೆ ಹೆಚ್ಚಿನ ಒತ್ತು ನೀಡಬೇಕು ಅದು ಸಣ್ಣ ಪುಟ್ಟ ಶೀತ ತಲೆನೋವು ಗಂಟಲು ನೋವು ಆಗಿರಲಿ ಅಥವಾ ದೀರ್ಘಕಾಲದ ಕಾಯಿಲೆಗಳೇ ಆಗಿರಲಿ, ಯಾವುದನ್ನೂ ಕೂಡ ನಿರ್ಲಕ್ಷ್ಯ ಮಾಡಲು ಹೋಗಬಾರದು. ಅದರಲ್ಲೂ ಮಾರಕ ಕಾಯಿಲೆ ಎಂದಾಕ್ಷಣ ನಮಗೆ ಮೊದಲಿಗೆ ನೆನಪಿಗೆ ಬರುವುದು ಕ್ಯಾನ್ಸರ್. ಈ ಕಾಯಿಲೆಯ ರೋಗಲಕ್ಷಣಗಳು ತುಂಬಾನೇ ಸೂಕ್ಷ್ಮವಾಗಿರುವ ಕಾರಣ ಆರಂಭದ ಲ್ಲಿಯೇ ಇದನ್ನು ಅಷ್ಟು ಸುಲಭವಾಗಿ ಪತ್ತೆಹಚ್ಚಲು ಸಾಧ್ಯವಾಗುವುದಿಲ್ಲ ಎಂದು ತಜ್ಞರು ಕೂಡ ಹೇಳುತ್ತಾರೆ.ಲಿವರ್‌ನಲ್ಲಿ ಉಷ್ಣತೆ ಹೆಚ್ಚಾದಾಗ, ದೇಹದಲ್ಲಿ ಯಾವೆಲ್ಲಾ ಲಕ್ಷಣಗಳು ಕಾಣಿಸಿಕೊಳ್ಳುತ್ತವೆ? ಜನನಾಂಗ ತುರಿಕೆ, ಮೂತ್ರ ದುರ್ವಾಸನೆ ಸಮಸ್ಯೆ ಇರುವ ಮಹಿಳೆಯರಿಗೆ ಇಲ್ಲಿದೆ ನೋಡಿ ಪರಿಹಾರಗಳು

ಯಾರಿಗೂ ಕೂಡ ಕ್ಯಾನ್ಸರ್ ಬರಬಹುದು! 

ಕ್ಯಾನ್ಸರ್ ಕಾಯಿಲೆ ಎನ್ನುವುದು ಕೆಲವೊಂದು ವರ್ಗದ ಜನರಿಗೆ ಮಾತ್ರ ಬರುತ್ತದೆ ಎಂದು ಹೆಚ್ಚಿನವರು ತಿಳಿದುಕೊಂಡಿದ್ದರು. ಆದರೆ ನಿಮಗೆ ಗೊತ್ತಿರಲಿ, ನಮ್ಮ ಕುಟುಂಬದಲ್ಲಿ ಕ್ಯಾನ್ಸರ್ ಕಾಯಿಲೆ ಕಾಣಿಸಿಕೊಂಡ ಉದಾಹರಣೆಗಳಿಲ್ಲದೆ ಇದ್ದರೂ ಕೂಡ, ಮುಂದಿನ ದಿನಗಳಲ್ಲಿ ಕ್ಯಾನ್ಸರ್ ಕಾಯಿಲೆ ಬರುವ ಸಾಧ್ಯತೆ ಇರುತ್ತದೆಯಂತೆ! ಹೀಗಾಗಿ ಈ ಕಾಯಿಲೆ ಬಂದ ನಂತರ ಹೆಣಗಾಡುವುದಕ್ಕಿಂತ ಮೊದಲೇ ಬರದಂತೆ ತಡೆಯುವ ಕಡೆಗೆ ಆಲೋಚನೆ ಮಾಡಬೇಕು.

ಪುರುಷರು ಈ ವಿಚಾರದಲ್ಲಿ ಎಚ್ಚರಿಕೆ ವಹಿಸಬೇಕು 

ಪುರುಷರು ತಮ್ಮ ದೇಹದಲ್ಲಿನ ಸಣ್ಣ ಬದಲಾವಣೆಗಳನ್ನು ಸಹ ನಿರ್ಲಕ್ಷಿಸ ಬಾರದು ಎಂದು ಕ್ಯಾನ್ಸರ್ ತಜ್ಞರು ಎಚ್ಚರಿಸಿದ್ದಾರೆ, ಏಕೆಂದರೆ ಇವು ಕೆಲವೊಮ್ಮೆ ಗಂಭೀರ ಅನಾರೋಗ್ಯದ ಆರಂಭವಾಗಬಹುದು.

ಈ ಬಗ್ಗೆ ಯುಕೆ ವಿಕಿರಣ ಆಂಕೊಲಾಜಿಸ್ಟ್ ಡಾ. ಜಿರಿ ಕುಬ್ಸ್, ಪುರುಷರು ಸಾಮಾನ್ಯವಾಗಿ ರೋಗಲಕ್ಷಣಗಳನ್ನು ಹಗುರವಾಗಿ ಪರಿಗಣಿಸುತ್ತಾರೆ, ಇದು ಕ್ಯಾನ್ಸರ್‌ನಂತಹ ರೋಗಗಳನ್ನು ತಡವಾಗಿ ಪತ್ತೆಹಚ್ಚಲು ಕಾರಣವಾ ಗುತ್ತದೆ ಎಂದು ಅಭಿಪ್ರಾಯಪಡುತ್ತಾರೆ.

ಮೈಕೈ ನೋವು ಆಯಾಸ ಸುಸ್ತು

ವಯಸ್ಸಾದಂತೆ ಮೈಕೈ ನೋವು ಆಯಾಸ ಸುಸ್ತು ಇಂತಹ ಸಮಸ್ಯೆಗಳು ಸಾಮಾನ್ಯವೆಂದು ಪರಿಗಣಿಸಲಾಗುತ್ತದೆ, ಆದರೆ ಕೆಲವು ಲಕ್ಷಣಗಳಿಗೆ ತಕ್ಷಣದ ಗಮನ ಅಗತ್ಯ. ಬೆನ್ನು ನೋವು, ನಿರಂತರ ಆಯಾಸ, ತೂಕ ಕಡಿಮೆ ಆಗುವುದು ಮತ್ತು ಗಂಟಲು ನೋಯುವಂತಹ ಸಣ್ಣಪುಟ್ಟ ಲಕ್ಷಣಗಳು ಸಹ ಕ್ಯಾನ್ಸರ್‌ನ ಆರಂಭಿಕ ಚಿಹ್ನೆಗಳಾಗಿರಬಹುದು 

ಅತಿಯಾದ ಬೆನ್ನು ನೋವು 

ಬೆನ್ನು ನೋವು ಹೆಚ್ಚಾಗಿ ವಯಸ್ಸು ಅಥವಾ ಸ್ನಾಯು ದೌರ್ಬಲ್ಯದೊಂದಿಗೆ ಸಂಬಂಧಿಸಿದೆ, ಆದರೆ ನೋವು ಮುಂದುವರಿದರೆ ಅಥವಾ ತೀವ್ರವಾಗಿ ಕಂಡು ಬಂದರೆ, ಅದು ಕ್ಯಾನ್ಸರ್‌ನ ಲಕ್ಷಣವಾಗಿರಬಹುದು, ವಿಶೇಷವಾಗಿ ನೋವು ಚಟು ವಟಿಕೆಗೆ ಸಂಬಂಧಿಸಿಲ್ಲದಿದ್ದರೆ, ರಾತ್ರಿ ಅಥವಾ ಬೆಳಗ್ಗೆ ಉಲ್ಬಣಗೊಂಡರೆ ಅಥವಾ ಚಿಕಿತ್ಸೆಯಿಂದ ಸುಧಾರಿಸದಿದ್ದರೆ ಕೂಡಲೇ ವೈದ್ಯರ ಬಳಿ ಚರ್ಚಿಸಿ ಸಂಬಂಧಪಟ್ಟ ಚಿಕಿತ್ಸೆ ಪಡೆದುಕೊಳ್ಳಿ

ಎದ್ದೇಳಲು ಆಗದಿರುವುದು! 

ಅತಿಯಾದ ಆಯಾಸ ಅಥವಾ ವೀಕ್ ನೆಸ್ ಕೂಡ ಕ್ಯಾನ್ಸರ್ ಕಾಯಿಲೆಯ ಗಂಭೀರ ಲಕ್ಷಣವಾಗಿರಬಹುದು. ಡಾ. ಕುಬ್ಸ್ ಅವರು ಹೇಳುವ ಪ್ರಕಾರ, ಮನುಷ್ಯ ಸಾಕಷ್ಟು ನಿದ್ರೆ ಮತ್ತು ವಿಶ್ರಾಂತಿ ಪಡೆದ ನಂತರವೂ ಆಯಾಸ ಸುಸ್ತು ಕಾಣಿಸಿಕೊಳ್ಳುತ್ತಿದ್ದರೆ, ಅದು ದೇಹದಲ್ಲಿನ ಕ್ಯಾನ್ಸರ್ ಕೋಶಗಳ ಚಟುವಟಿಕೆಯ ಪರಿಣಾಮವಾಗಿರ ಬಹುದು. ಕ್ಯಾನ್ಸರ್ ಕೋಶಗಳು ದೇಹದ ಶಕ್ತಿ ಮತ್ತು ಪೋಷಕಾಂಶಗಳನ್ನು ಬಳಸಿಕೊಂಡು ಪುನರಾವರ್ತಿಸುತ್ತವೆ.

ಕಾರಣವಿಲ್ಲದೆ ದೇಹದ ತೂಕ ಕಡಿಮೆ ಆಗುತ್ತಾ ಬಂದರೆ

ಕ್ಯಾನ್ಸರ್ ಕಾಣಿಸಿಕೊಂಡರೆ ದೇಹದ ತೂಕವು ಕೂಡ ಕಡಿಮೆ ಆಗುತ್ತಾ ಬರುತ್ತದೆ. ಇದಕ್ಕೆ ಮುಖ್ಯ ಕಾರಣ, ದೇಹದಲ್ಲಿರುವ ಆರೋಗ್ಯಕಾರಿ ಅಂಗಾಂಶಕ್ಕಿಂತಲೂ ಹೆಚ್ಚಿನ ಶಕ್ತಿಯ ಮಟ್ಟ ಕ್ಯಾನ್ಸರ್ ಅಂಗಾಂಶಗಳಿಗೆ ಬೇಕಾಗಿರುವುದು.

ಮೊದಲಿಗೆ ಹೊಟ್ಟೆಯ ಬೊಜ್ಜು ಕಡಿಮೆ ಆಗುತ್ತಾ ಬರುತ್ತದೆ ಹಾಗು ದೇಹದ ತೂಕ ದಿನಾ ಹೋದ ಹಾಗೆ ಇಳಿಕೆ ಆಗಿಬಿಡುತ್ತದೆ. ಹೀಗಾಗಿ ಇದ್ದಕ್ಕಿದಂತೆ ಮನುಷ್ಯನಿಗೆ ತನ್ನ ದೇಹದ ತೂಕ ಕಡಿಮೆ ಆಗುತ್ತಾ ಬಂದರೆ, ಕೂಡಲೇ ವೈದ್ಯರ ಬಳಿ ಪರೀಕ್ಷೆ ಮಾಡಿಸಿಕೊಳ್ಳಬೇಕು.

ಗಂಟಲು ನೋವು ಕಾಣಿಸಿಕೊಳ್ಳುತ್ತಿದ್ದರೆ 

ಗಂಟಲು ನೋವು ಮೂರು ವಾರಗಳಿಗಿಂತ ಹೆಚ್ಚು ಕಾಲ ಇದ್ದರೆ, ಅದನ್ನು ಸಾಮಾನ್ಯ ಶೀತ ಅಥವಾ ಕೆಮ್ಮು ಎಂದು ತಳ್ಳಿಹಾಕಬೇಡಿ.ನೋವು ಕರ್ಕಶ ಧ್ವನಿ, ನುಂಗಲು ತೊಂದರೆ ಅಥವಾ ಕಿವಿ ನೋವಿನೊಂದಿಗೆ ಇದ್ದರೆ, ಅದು ಗಂಟಲು ಕ್ಯಾನ್ಸರ್‌ನ ಸಂಕೇತವಾಗಿರ ಬಹುದು.